天真

背景︰二十歲頭，剛轉職兼轉行不久。

有關流浪
「我想十年後去流浪。（點解要十年！）而家啱啱轉咗工，唔通唔做咩。」
「唔得呀！我好怕熱，唔曬得，一定要擔遮！」「我唔可以去太熱既地方，（你鍾意好凍架？）咁又唔可以凍喎，最好涼涼地。」

有關前途
「我係自由既人！」
「我做正職係為咗補貼藝術工作。（咁你點解唔搵份賺到錢既工？）其他工唔得既。」
「好唔抵呀！我入職時無調得人工好高呀！（低過以前呀？）咁又高過。」
「呢半年（指上一份工）真係經歷好多嘢呀，我發覺我真係只可以喺溫室。」

有關修養
「我整咗啲朱古力呀，請大家食吖。今日我啲同事食得不知幾開心呀！X2」（實情係朱古力係佢家姐整）
「我唔係一個虔誠既基督徒囉。」（實情係，佢唔係基督徒）
「實認得我啦，話『有個女仔好高既』。」（實情係在座有人同佢一樣高，矮過我個妹）


凡以上對話出現，均無人出聲。

或者只有這種年紀這種心態的人，才說得出這樣的話。（「我係自由既人」，真係唔係一般人講得出口）但我又不否認，每個人都在做這些天真的事，例如我為何要記下這些自己心中句句反駁的「金句」？是因為我這種年紀這種心態，是有點瞧不起這種人，尤其過往與她相處的經歷，更令我感到︰不知天高地厚，卻高言大論，這種不成熟，令我想起小學生。我希望在成年人的眼中，我不是幼稚到這種程度就好。